O‘zbekistonlik dzyudochi xalqaro turnirda oltin medalni qo‘lga kiritdi
Sport
−
04 mart 2023 7016
Avval xabar berganimizdek, Toshkent shahrida dzyudo bo‘yicha “Katta dubulg‘a” turniri o‘tkazilmoqda. -73 kg vazn toifasida ishtirok etayotgan o‘zbekistonlik dzyudochi Murodjon Yo‘ldoshev oltin medal uchun bahsda qozog‘istonlik Doniyar Shamshayevni vazari bahosi evaziga mag‘lubiyatga uchratdi. Murodjon oltin medal bilan birga Parij-2024 Olimpiadasi uchun qimmatli 1000 reyting ochkosini ham qo‘lga kiritdi.
Ayollar o‘rtasida -70 kg vaznda bahsga kirishgan Gulnoza Matniyozova 3-o‘rin uchun bellashuvda ukrainalik Natalya Chistyakovadan ustun keldi.
Hozircha O‘zbekiston jamoasi “Katta dubulg‘a” turnirida 1 ta oltin va 1 ta kumush medalga ega chiqdi. Musobaqa ertaga, 5 mart kuni yakunlanadi.
Live
Barchasi
