O‘zbekistonlik bokschilar xalqaro musobaqada 6 ta medalga ega chiqdi

O‘zbekistonlik bokschilar Ispaniyada o‘tgan xalqaro musobaqada 6 ta medalga ega chiqdi. Bu haqda Milliy olimpiya qo‘mitasi ma’lum qildi.

Ma’lum qilinishicha, Ispaniyaning La-Nusiya munitsipaliteti mezbonlik qilgan boks bo‘yicha “Boxam” xalqaro musobaqasi o‘z yakuniga yetdi va unda ishtirok etgan O‘zbekiston terma jamoasi 4 ta oltin va 2 ta bronza medallarini qo‘lga kiritgan.

“Kecha o‘tgan final bahslarida ringga ko‘tarilgan yigitlarimizning barchasi g‘alaba qozonishga erishdi”, deyiladi qo‘mita xabarida. 

Qayd etilishicha, oltin medal bilan:

•   63,5 kg: Mujibillo Tursunov
•   -71 kg: Havasbek Abdullayev
•   -80 kg: To‘rabek Habibullayev
•   -92 kg: Shohjahon Abdullayev

Bronza medal bilan:

•   -63.5 kg: Ruslan Abdullayev
•   -92 kg: Lazizbek Mullojonov sovrindor bo‘lgan.

Ma’lumot uchun, 2023 yilning 24 noyabridan 4 dekabriga qadar Armaniston poytaxti Yerevan shahrida, o‘smir bokschilar o‘rtasida o‘tkazilgan Jahon chempionatida O‘zbekiston vakillari umumjamoa hisobida 3-o‘rinni qo‘lga kiritgan edi.