O‘zbekistonga qancha sayyoh piyoda kelgani ma’lum qilindi
Bu qiziq
−
15 iyun 2023 7928
Joriy yilning dastlabki 5 oyida O‘zbekistonga sayohat uchun kelganlarning 81,5 foizi piyoda tashrif buyurgan. Bu haqda Statistika agentligi Matbuot xizmati xabar berdi.
Unda aytilishicha, 2023 yilning yanvar-may oylarida 2,6 mln nafar chet el fuqarosi turistik maqsadda O‘zbekistonga tashrif buyurgan. Shu jumladan:
• Havo transportida kelgan sayyohlar 428,4 ming kishini (16,5%);
• Temir yo‘l orqali kelganlar – 32,8 ming kishini (1,3%);
• Avtomobil transportida kelganlar – 18,4 ming kishini (0,7%) tashkil yetgan.
Shuningdek, sayyohlarning eng ko‘p qismi, ya’ni 2,1 mln nafari (81,5 %) piyoda kelgan. Asosan bu sayyohlar qarindoshlarini yo‘qlash uchun kelgan bo‘lib, chegara postlaridan piyoda o‘tgan.
Live
Barchasi
