O‘zbekistonga 24 soat ichida 2 million doza vaksina olib kelindi

Bugun, 6 avgust kuni Xitoydan O‘zbekiston olimlari bilan hammualliflikda tayyorlangan koronavirusga qarshi ZF-UZ-VAC 2001 vaksinasidan 1 million doza olib kelindi. Bu haqda Sog‘liqni saqlash vazirligi ma’lum qildi.

Eslatib o‘tamiz, kecha, 5 avgust kuni O‘zbekistonga navbatdagi 1 million doza o‘zbek-xitoy vaksinasi keltirilgani haqida xabar berilgandi. 

Bundan avval ZF-UZ-VAC2001 ning:

• 27 martda — 1 million doza;
• 27 aprelda — 1 million doza;
• 18 mayda —  1 million doza;
• 19 mayda —  500 ming doza;
• 10 iyunda — 1 million doza;
• 29 iyunda — 1 million doza;
• 30 iyunda — 1 million doza;
• 20 iyulda — 1 million doza; 
• 21 iyulda 1 million doza doza partiyalari keltirilgan.

Shunday qilib, O‘zbekistonga keltirilgan jami vaksina 14 million 580 ming 60 dozani tashkil qilmoqda.
Ulardan: 

• 370 ming dozasi “Sputnik V”, 
• 710 ming dozasi AstraZeneca, 
• 10,5 million dozasi ZF-UZ-VAC2001,
•  3 million 60 dozasi Moderna vaksinasidir.

Eslatib o‘tamiz, shu kunga qadar 9 million dozadan ortiq vaksina emlash jarayonlarida foydalanildi. Shuningdek, kecha, 5 avgust kuni emlashlar miqdori 426 ming dozadan ortib, kunlik vaksinatsiya bo‘yicha rekord o‘rnatildi.