O‘zbekistondagi masjidlarda Yangi Zelandiyadagi terakt qurbonlari xotirasiga Qur’on tilovat qilinadi
Jamiyat
−
17 mart 2019 5670
Bugun, 17 mart kuni O‘zbekistondagi barcha jome masjidlarda peshin namozidan so‘ng, 15 mart kuni Yangi Zelandiyada amalga oshirilgan qonli harakatlarda halok bo‘lgan musulmonlar haqqiga Qur’oni karim o‘qilib, tilovat qilinadi. Bu haqda Qalampir.uz’ning O‘zbekiston musulmonlari idorasidagi manbasi ma’lum qildi.
Muftiy Usmonxon Alimovning shahid bo‘lganlar haqqiga duo qilish tavsiya etilgan maktubi respublikaning barcha jome masjidlariga yetkazilgan.
Eslatib o‘tamiz, joriy yilning 15 mart kuni 4 nafar qurollangan terrorchilar Yangi Zelandiyaning Kraystcherch shahridagi masjidlarga kirib, ibodat qilayotganlarga qarata o‘q uzgan. Hodisa natijasida qurbon bo‘lganlar 50 nafardan ortdi.
"An-Nur" va "Linvud" masjidlarida ham namozxonlar o‘qqa tutilgan. Natijada 49 kishi yaralllangan.
Live
Barchasi
