O‘zbekistonda prezidentlik saylovi uchun ovoz berish boshlandi

O‘zbekistonda muddatidan ilgari Prezident saylovida ovoz berish jarayoni boshlandi.

Saylovda ovoz berish soat 08:00 dan 20:00 gacha o‘tkaziladi. 

Saylovda ovoz berish tartibi quyidagicha: saylovchi ovoz berish binosiga kelgach, uchastka saylov komissiyasining a’zosiga o‘z shaxsini tasdiqlovchi hujjatni ko‘rsatadi. Saylovchilar ro‘yxatiga imzo qo‘yadi, shundan keyin byulleten oladi. Saylovchi tomonidan byulleten yashirin ovoz berish kabinasi yoki xonasida to‘ldiriladi. Saylovchi byulletenida ovoz berayotgandan nomzodning familiyasi ro‘parasida, o‘ng tomonda joylashgan bo‘sh kvadratga “+”, “✓” yoki “x” belgisini qo‘yadi.

Saylovchi byulletenni to‘ldirgandan so‘ng, saylov qutisiga tashlaydi. 

Ma’lumot uchun, ushbu prezidentlik saylovida ishtirok etish uchun 19,5 milliondan ortiq saylovchi ro‘yxatga olingan.

Saylov o‘zi nimaligi, saylovlar tarixi haqida QALAMPIR.UZ'ning quyidagi maqolasida o‘qishingiz mumkin.