O‘zbekistonda kuchli yer silkinishi sezildi
Jamiyat
−
27 Iyun 39494 1 daqiqa
Bugun, 26 iyun kuni O‘zbekistonning 12 ta hududida zilzila sodir bo‘ldi. Bu haqda Seysmoprognostik monitoring Respublika markazi xabar berdi.
Qayd etilishicha, yer qimirlashi soat 18:37 da yuz bergan. Magnitudasi 6,8, chuqurligi 224 km. Zilzila epitsentri Toshkentdan 499 km janubiy-sharqda joylashgan Afg‘onistonning Badaxshon viloyati. Koordinatalari: 36,84 daraja shimoliy kenglik, 70,19 daraja sharqiy uzunlik.
O‘zbekiston Respublikasi hududida sezilish kuchi:
- Surxandaryo viloyatida 4-5 ball, 261 km;
- Farg‘ona viloyatida 4 ball, 417 km;
- Jizzax viloyatida 4 ball, 417 km;
- Samarqand viloyatida 4 ball, 421 km;
- Sirdaryo viloyatida 4 ball, 424 km;
- Qashqadaryo viloyatida 4 ball, 446 km;
- Andijon viloyatida 3-4 ball, 477 km;
- Namangan viloyatida 3-4 ball, 479 km;
- Toshkent viloyatida 2-3 ball, 495 km;
- Toshkent shahrida 2-3 ball, 499 km;
- Navoiy viloyatida 2 ball, 554 km;
- Buxoro viloyatida 2 ball, 597 km.
