O‘zbekistonda eng kam aholi qaysi hududda yashashi ma’lum bo‘ldi

Davlat statistika qo‘mitasi O‘zbekistonda eng ko‘p va eng kam aholi yashaydigan viloyatlarni ma’lum qildi. Unga ko‘ra, eng ko‘p aholi Samarqand viloyatida istiqomat qiladi. Viloyat aholisi 4 mln 8 ming 843 kishini tashkil qilmoqda. Eng kam aholi esa Sirdaryo viloyatida yashaydi. Bugungi kunda ushbu viloyatda 873 ming 798 kishi istiqomat qilmoqda.

Joriy yilning 1 oktyabr holatiga ko‘ra:

•  Farg‘ona viloyatida — 3 mln 878 ming 034 kishi;

•  Qashqadaryo viloyati — 3 mln 388 ming 896 kishi;

•  Andijon viloyatida — 3 mln237 ming 266 kishi;

•  Toshkent viloyatida — 3 mln kishi;

•  Namangan viloyatida — 2 mln 914 ming 194 kishi;

•  Toshkent shahrida — 2 mln 840 ming 830 kishi;

•  Surxondaryo viloyatida — 2 mln 726 ming 086 kishi;

•  Buxoro viloyatida — 1 mln 968 ming 268 kishi;

•  Qoraqalpog‘iston Respublikasida — 1 mln 939 ming 463 kishi;

•  Xorazm viloyatida — 1 mln 914 ming 434 kishi;

•  Jizzax viloyatida — 1 mln 434 ming 964 kishi;

•  Navoiy viloyatida — 1 mln 28 ming 352 kishi istiqomat qilmoqda.

Ma’lumot uchun, O‘zbekistonda aholi soni har kuni o‘rtacha qariyb 2 ming kishiga ortmoqda.

18 oktyabr holatiga ko‘ra, O‘zbekiston aholisi soni 35 mln 122 ming 514 kishini tashkil qilmoqda.

Eslatib o‘tamiz, joriy yilning 1 oktyabr holatiga ko‘ra, O‘zbekistonda 670,7 ming tug‘ilish qayd etilgan.