O‘zbekistonda emlash ko‘rsatkichi 100 ming dozadan oshgan hududlar 7 ta bo‘ldi

Kecha, 18 mayda O‘zbekiston hududlari bo‘ylab 65 551 doza COVID-19 ga qarshi vaksina qo‘llanildi. Bu haqda O‘zbekiston Sog‘liqni saqlash vazirligi Matbuot xizmati xabar bermoqda.

Qayd etilishicha, ulardan:

• 1-bosqich emlanganlar 15 894 nafarni;
• 2-bosqichda emlanganlar 49 657 nafarni tashkil qildi.

Ayni kungacha o‘zbekistonda jami 1 mln 412 312 doza vaksinadan foydalanilgan.  

Ulardan:

• 1-bosqich emlanganlar 1 mln 125 995 nafarni; 
• 2-bosqichda emlanganlar 286 317 nafarni tashkil qildi.

18 may kunidagi emlash ko‘rsatkichlari bo‘yicha yuqori o‘rinlarni:

• Andijon viloyati (11 702 doza);
• Farg‘ona viloyati (9729 doza);
• Namangan viloyati (8148 doza) band qildi. 

Koronavirusga qarshi jami emlashlar soni:

• Farg‘ona viloyatida 191 014 doza;
• Andijon viloyatida 177 190 doza;
• Namangan viloyatida 154 771 doza;
• Samarqand viloyatida 138 227 doza;
• Toshkent shahrida 102 849 doza;
• Qashqadaryo viloyatida 101 526 doza;
• Surxondaryo viloyatida 100 406 dozani tashkil qilmoqda.

Emlash jarayonlari davom etadi.