O‘zbekistonda dam olish kunlari bahordek o‘tadi

Jamiyat

−

07 fevral 2020 visibility4999 timer1 daqiqa

Kelayotgan dam olish kunlari O‘zbekistonda havo harorati 17 dan 20 darajagacha issiq bo‘ladi. Bu haqda bugun, 7 fevral kuni O‘zgidromet matbuot xizmatida xabar berildi.

Deyarli butun O‘zbekiston hududida ushbu harorat saqlanib qoladi, bu esa shu davrdagi o‘rtacha ko‘rsatkichdan 10−12 darajaga yuqori. Faqat Qoraqalpog‘iston Respublikasi va Xorazm viloyatida 9 fevral kuni harorat 3−8 darajagacha tushadi.

Respublikada shamolning tezligi 15−20 m / s gacha kuchayishi kutilmoqda. 9 fevral, yakshanba kuni O‘zbekistonning shimoli-g‘arbida yomg‘ir yog‘adi. Shunindek Toshkentda, kechqurun yomg‘ir yog‘adi. Farg‘ona vodiysida havo o‘zgarib turadi, yog‘ingarchilik kutilmoqda.

Eslatib o‘tamiz, 7 fevraldan boshlab O‘zbekistonda haroratning ko‘tarilishi O‘rta Yer dengizi mintaqasida siklon hosil qilgan issiq, quruq havo kelishi bilan bog‘liq.

Nurulloh Sharipov

Maqola muallifi