O‘zbekiston so‘nggi 11 oyda qariyb 60 mln dollarlik shina import qildi
Jamiyat
−
23 dekabr 2020 4796
O‘zbekiston joriy yilning 11 oyida xorijdan qiymati 58,6 mln AQSH dollariga teng bo‘lgan yengil avtomobillar shinasini import qilgan. Bu ko‘rsatkich o‘tgan yilning shu davri bilan solishtirilganda 12,7 mln AQSH dollariga kam. Bu haqda Davlat statistika qo‘mitasi xabar qildi.
Ma’lum qilinishicha, O‘zbekistonga yengil avtomobillar shinasi, asosan, Xitoy davlatidan (39,3 mln AQSH dollari) olib kirilgan.
O‘tgan 11 oy mobaynida O‘zbekiston yengil avtomobillar shinasini eng ko‘p import qilgan davlatlar quyidagilar:
- Xitoy – 39,3 mln dollarlik;
- Chexiya – 9,4 mln dollarlik;
- Korea Respublikasi – 6,4 mln dollarlik;
- Rossiya Federatsiyasi – 1,7 mln dollarlik;
- Turkiya – 916,8 ming dollarlik.
Ma’lumot o‘rnida, O‘zbekiston xorijdan joriy yilning noyabr oyida 3,6 mln AQSH dollari qiymatida yengil avtomobillar shinasini import qilgan.
Live
Barchasi