O‘zbekiston Rossiyaning o‘rnini egalladi

Turkiya va O‘zbekiston joriy yilning birinchi choragida Qozog‘istondan pul o‘tkazmalarini jo‘natish bo‘yicha eng trenddagi davlatlar bo‘ldi. Bu haqda bugun, 11 may kuni Qozog‘istonning biznes va moliya bo‘yicha Finprom.kz tahliliy portali saytida chop etilgan tadqiqotda aytiladi. 

“Joriy yilning yanvar-mart oylarida Qozog‘iston Respublikasidan pul o‘tkazmalari tizimlari orqali xorijga jo‘natilgan mablag‘lar hajmi 189,5 milliard tengeni (442,8 million dollar) tashkil etdi, bu 2021 yilning shu davriga nisbatan 0,8 foizga kam. Shu bilan birga, deyarli bir yil avval 1,5 barobar o‘sish kuzatilgan bo‘lib, mablag‘larning deyarli yarmi faqat ikki davlatga – Turkiya (52,3 milliard tenge yoki 122,2 million dollar) va O‘zbekistonga (38,6 milliard tenge, yoki 90,2 million dollar) jo‘natilgan. Uchlikni Qirg‘iziston yakunlab turibdi. Qozog‘istondan 33,2 milliard tenge (77,5 million dollar) miqdoridagi mablag‘ jo‘natilgan”, deyiladi tahlilda. 

Shuningdek, uning mualliflari Rossiya ushbu ro‘yxatda yanvar-mart oylarida 28,5 milliard tenge (66,6 million dollar) o‘tkazmalari hajmi bilan to‘rtinchi o‘rinni egallaganini qayd etdi.  

“Taqqoslash uchun, o‘tgan yili Rossiya Federatsiyasi ikkinchi o‘rinni egallagan bo‘lsa, avvalroq uzoq yillar davomida Qozog‘istondan o‘tkazilgan mablag‘lar bo‘yicha yetakchilik qilgan. O‘tgan yil davomida respublikadan Rossiya Federatsiyasiga o‘tkazmalar hajmi darhol 36,2 foizga kamaydi, o‘tgan yili esa 1,3 foizga qisqarish kuzatilgandi”, deyiladi tadqiqotda. 

Shuningdek, Gruziya o‘tkazilgan mablag‘lar hajmi bo‘yicha beshinchi o‘rinni egallagani – 13,3 milliard tenge (31 million dollar), bu o‘tgan yilgi ko‘rsatkichdan 4,3 baravar ko‘p ekanligi qayd etilgan.