O‘zbekiston Olimpiada uchun yana 5 ta litsenziyani qo‘lga kiritdi

Tokio shahrida bo‘lib o‘tgan baydarka va kanoeda eshkak eshish bo‘yicha litsenzion Osiyo chempionati o‘z nihoyasiga yetdi va o‘zbekistonlik sportchilar eshkak eshish bahslarida yana 5 ta litsenziyaga ega chiqdi. Bu haqda baydarka va kanoe federatsiyasi matbuot xizmati xabar berdi.

Osiyo chempionati yakuniga ko‘ra, O‘zbekiston milliy terma jamoasi a’zolari Parij-2024 Olimpiya o‘yinlarida 8 ta dastur bo‘yicha musobaqalarda ishtirok etish huquqiga ega bo‘ldi.

Bungacha Nilufar Zokirova, Yekaterina Shubina va Shahriyor Mahkamov Olimpiadaga yo‘llanma olishgandi: 

• K1 500 metr: Yekaterina Shubina 
• S1 200 metr: Nilufar Zokirova
• K1 1000 metr: Shahriyor Mahkamov. 
• Endilikda ular boshqa dasturlar bo‘yicha ham Olimpiadada startga chiqishadi:
• K1 500 metr: Nilufar Zokirova 
• S1 200 metr: Yekaterina Shubina
• S2 500 metr: N.Zokirova / Ye.Shubina 
• K2 500 metr: N.Zokirova / Ye.Shubina 
• S1 1000 metr: Shaxriyor Mahkamov

Shu tariqa, eshkak eshish bahslarida o‘zbekistonlik sportchilarning litsenziyalari soni 8 taga yetdi.

Eslatib o‘tamiz, oldinroq o‘zbekistonlik eshkakchilar 4 ta Olimpiada litsenziyasini qo‘lga kiritgandi.

Habib Jo‘raboyev