Ukraina Niderlandiyadan oltita F-16 qiruvchi samolyotini oldi – “Times”

Ukraina oltita F-16 qiruvchi samolyotini oldi, bu yetkazib berish Niderlandiya tomonidan amalga oshirildi. Bu haqda kecha, 31 iyul kuni nomi oshkor etilmagan manbasiga tayanib, “Times” gazetasi xabar berdi.

Nashrning yozishicha, Kiyev tez orada qiruvchilarning yangi partiyasini bu safar Daniyadan oladi. Ukraina harbiy-havo kuchlari bu ma’lumotni nashrga tasdiqlamadi.

31 iyul kuni ertalab “The Daily Telegraph” gazetasi ham manbalarga tayanib, qiruvchilar havo hujumidan mudofaa tizimlari sifatida ishlatilgani haqida xabar bergan edi.

Avvalroq “Bloomberg” agentligi manbalarga tayanib, NATO ittifoqchilarining F-16 samolyotlarining birinchi partiyasi allaqachon Ukrainaga yetkazib berilgani haqida xabar bergan edi. Uning so‘zlariga ko‘ra, qiruvchilar soni “kam”.

“Bloomberg” manbalari, shuningdek, so‘nggi oylarda G‘arbda tayyorgarlikdan o‘tgan ukrainalik uchuvchilar zudlik bilan jangovar samolyotlarni boshqarishga kirisha oladimi yoki bu jarayon uzoq davom etadimi, hozircha aniq emasligini ta’kidladi.