Ukraina kelajagini ukrainaliklarning o‘zlarisiz hal qilib bo‘lmaydi – Makron

Fransiya Prezidenti Emmanuel Makron Yevropa Ittifoqi Ukrainadagi vaziyatni tartibga solishda ishtirok etishi kerakligini aytdi. Bu haqda u o‘zining X sahifasida yozdi.

“Ukraina kelajagini ukrainaliklarning o‘zlarisiz hal qilib bo‘lmaydi”, deya yozgan u.

Uning so‘zlariga ko‘ra, yevropaliklar ham “qarorda ishtirok etishlari kerak, chunki gap o‘z xavfsizligi haqida ketmoqda”.

Makronning qo‘shimcha qilishicha, Parij, Berlin va London “xohlaganlar koalitsiyasi” doirasida amalga oshirilgan ishlar asosida Ukrainani qo‘llab-quvvatlashda davom etadi.

AQSH va Rossiya Prezidentlari Donald Tramp va Vladimir Putin 15 avgust kuni Alyaskada uchrashadi.Rossiya Prezidenti yordamchisi Yuriy Ushakovning so‘zlariga ko‘ra, davlat rahbarlari Ukrainadagi mojaroni uzoq muddatli tinch yo‘l bilan hal qilish variantlarini muhokama qiladi.

Bugun, 10 avgustga o‘tar kechasi Ukraina va Yevropa Ittifoqining ayrim davlatlari vakillari Donald Tramp va Vladimir Putin o‘rtasidagi uchrashuv oldidan o‘z pozitsiyalarini bildirish uchun Buyuk Britaniyada uchrashdi. Ular Vashingtonga mojaroga barham berish rejasini taqdim etgan. Yevrokomissiyaning yozishicha, reja Rossiyaning o‘t ochishni to‘xtatish evaziga Ukraina qo‘shinlarini Donetsk viloyatidan olib chiqib ketish talabini rad etadi va boshqa qadamlardan oldin otashkesim to‘xtashi kerakligini ta’kidlaydi.

Yevropa Ittifoqi va Ukraina taklifida, shuningdek, “hududlar faqat o‘zaro asosda almashinishi mumkin, ya’ni Ukraina ba’zi hududlardan qo‘shinlarini olib chiqsa, Rossiya Federatsiyasi boshqa hududlardan qo‘shinlarini olib chiqishi kerak” deyiladi.

Yevropa yetakchilari Trampning “o‘limni to‘xtatish, Rossiyaning bosqinchilik urushini tugatish va Ukraina uchun adolatli va mustahkam tinchlik hamda xavfsizlikka erishish” bo‘yicha sa’y-harakatlarini olqishlagan va bunga faqat Ukrainani qo‘llab-quvvatlash va Rossiyaga bosimni birgalikda olib borish orqali erishish mumkinligiga ishonch bildirgan.

Ular shuningdek, Qo‘shma Shtatlarni Ukrainaga jiddiy harbiy va moliyaviy yordam ko‘rsatgan holda, shu jumladan Rezolyutsiya koalitsiyasi mexanizmi orqali, shu bilan birga, Rossiyaga qarshi amaldagi va yangi sanksiyalarni qo‘llab-quvvatlagan holda harakat qilishda davom etishga tayyorligini ta’kidladi.

Fransiya, Finlyandiya, Germaniya, Buyuk Britaniya, Italiya, Polsha va Yevrokomissiya rahbarlarining bayonotida Ukraina kelajagi bo‘yicha muzokaralar faqat uning ishtirokida va o‘t ochishni to‘xtatgandan keyin o‘tkazilishi mumkin, deyilgan.