Tursunali polvon 75 yoshida vafot etdi
Jamiyat
−
28 iyul 23379
“Vodil chinori” xalq dorbozlik jamoasi badiiy rahbari Tursunali polvon Mamajonov 75 yoshida vafot etdi. Buni QALAMPIR.UZ manbasi tasdiqladi.
Ma’lumot uchun, Tursunali Mamajonov 1949 yilda Farg‘ona viloyatida tug‘ilgan. Marhum Farg‘ona viloyati hayvonot bog‘i tashabbuskori, faxriy ekolog bo‘lgan. Uzoq yillar mobaynida Shohimardonda tomoshalar ko‘rsatib kelgan. 1-darajali “Mehnat faxriysi” ko‘krak nishoni bilan taqdirlangan.
O‘zbekistonda xizmat ko‘rsatgan madaniyat xodimi, bir necha davlat mukofotlari sovrindori, milliy dorbozlik va polvonlik xalq jamoalari asoschisi — Tursunali Mamajonovning janozasi bugun, 28 iyul kuni Farg‘ona tumanidagi o‘zi tug‘ilib o‘sgan Vodil qishlog‘ida soat 14:00 da o‘tkaziladi.
QALAMPIR.UZ marhumning oila a’zolari va yaqinlariga ta’ziya bildiradi.
Live
Barchasi