Turkiyada vahshiylarcha o‘ldirilgan o‘zbekistonlik ayol haqida rasmiy ma’lumot berildi
3-sahifa
−
23 Sentabr 2023 34222
Avvalroq Turkiyaning Dyuzje shahrida yashovchi 68 yoshli erkak o‘zining shar’iy nikohidagi o‘zbekistonlik ayolni vahshiylarcha o‘ldirgani haqida xabar berilgan edi. O‘zbekistonning Istanbuldagi bosh konsulxonasi mazkur holat bo‘yicha yuzaga kelgan anglashilmovchilik yuzasidan tushuntirish berdi.
Unga ko‘ra, haqiqatan ham Dyuzjeda O‘zbekiston fuqarosi o‘ldirilgan. Faqat vafot etgan fuqaroning ismi Barno emas Ra’nodir. Tarmoqlarda tarqatilgan fotosuratlar ham vafot etgan fuqaroga tegishli emas.
“Marhuma – 1978 yil 30 iyulda tug‘ilgan Adilova Ra’no”, deyiladi konsulxona xabarida.
Manbaga ko‘ra, hozirgi vaqtda jinoyat sodir etgan Turkiya fuqarosi A.G.ga nisbatan huquqni muhofaza qiluvchi organlar tomonidan tergov harakatlari olib borilmoqda.
Live
Barchasi
