Turkiyada yangi qanotli raketa ixtiro qilindi
Texnologiya
−
31 mart 2022 13308
Turkiyaning ROKETSAN mudofaa kompaniyasi Turkiya Qurolli kuchlari arsenalini 150 km dan ortiq masofaga uchadigan Çakır qanotli raketasi bilan to‘ldirishga tayyorlanmoqda. Bu haqda “Anadolu” agentligi xabar berdi.
Quruqlik va dengiz platformalaridan ham, samolyotlardan ham uchirilishi mumkin bo‘lgan yangi raketa taqdimoti ROKETSAN ob’ektlaridan birida Turkiya Prezidenti ma’muriyati huzuridagi Mudofaa sanoati boshqarmasi boshlig‘i Ismoil Demir, ROKETSAN kompaniyasi boshqaruvi raisi Faruk Yigit va boshqalar ishtirokida bo‘lib o‘tdi.
Raketa turli nishonlarni, jumladan, yer usti va qirg‘oqbo‘yi nishonlarini urishga qodir ekani aytimoqda.
Çakır raketasi Kale Arge kompaniyasi tomonidan ishlab chiqilgan mahalliy KTJ-1750 turreaktiv dvigateli bilan quvvatlanadi.
Noyob jangovar kallak va zamonaviy boshqaruv tizimi barcha ob-havo sharoitida nishonlarni urish imkonini beradi.
