Turkiya vitse-prezidentligiga nomzod Imomo‘g‘li toshbo‘ron qilindi
Olam
−
08 may 2023 10917
Kecha, 7 may kuni Turkiyaning Erzurum shahrida noma’lum shaxslarning muxolifat mitingiga uyushtirgan hujumi oqibatida kamida 9 kishi tan jarohati oldi. Bu haqda “Deutsche Welle” nashri xabar berdi.
Yig‘ilishda so‘zga chiqqan Istanbul hokimi Ekrem Imomo‘g‘liga noma’lum shaxslar tomonidan tosh otilgan. Shuningdek, hujum oqibatida partiya avtobusiga zarar yetgan.
Imomo‘g‘li voqea uchun Erzurum aholisini mas’ul deb hisoblamasligini, biroq harakatsizlik va hujumning oldini olmagani uchun shahar va shu nomdagi viloyat hokimini sudga bermoqchi ekanini ta’kidlagan.
Shu bilan birga, u shifoxonaga jabrlanganlarni ko‘rishga borishini ma’lum qilgan.
