To‘qayev sobiq vazirning xotiniga suiqasd bo‘yicha ishni o‘z nazoratiga oldi

Olam

−

image

Qozog‘iston Prezidenti Qosim-Jomart To‘qayev sobiq Milliy iqtisodiyot vaziri Kuandik Bishimbayevning o‘z rafiqasini o‘ldirishi bo‘yicha ishni shaxsiy nazoratiga oldi. Bu haqda Prezident matbuot kotibi Berik Uali “Kazinform” agentligiga ma’lum qildi. 

“Davlat rahbari Ostona shahrida Saltanat Nukenovaning o‘ldirilishi bilan bog‘liq shov-shuvli qotillikni shaxsan nazoratga oldi, huquq-tartibot idoralari oldiga ham aniq vazifalar qo‘ydi. Prezident Ichki ishlar vaziri Yerjan Sadenov, Bosh prokuror Berik Asilov, Oliy sud raisi Aslambek Mergaliyevni ayollar va bolalarga nisbatan zo‘ravonlikning oldini olish zarurligi haqida qattiq ogohlantirdi”, deydi Berik Uali.

Saltanat Nukenova Bishimbayevning ikkinchi xotini bo‘lib, 31 yoshda edi. Mutaxassislar marhuma Nukenovaning tanasida pichoq jarohatlari izini topmagan. Taxminlarga ko‘ra, u boshiga to‘mtoq narsa bilan berilgan kuchli zarbadan halok bo‘lgan.

Ma’lumot uchun, 43 yoshli Kuandik Bishimbayev turli vaqtlarda Prezident yordamchisi, Sanoat va savdo vaziri o‘rinbosari, Savdo va iqtisodiy rivojlanish vaziri o‘rinbosari, “Samruk-Kazina” jamg‘armasi raisi o‘rinbosari, “Bayterek” xoldingi boshqaruvi raisi bo‘lgan.

2016 yilning mayidan dekabrigacha Qozog‘iston Milliy iqtisodiyot vaziri bo‘lgan. 2017 yilning yanvarida u o‘g‘irlikda ayblanib hibsga olingan, 2018 yil mart oyida esa 10 yilga ozodlikdan mahrum etilgan.

Keyinchalik uning jazo muddati ikki baravarga qisqartirilgan va 2019 yilning oktyabrida Bishimbayev ozodlikka chiqqan.

Eslatib o‘tamiz, joriy yilning noyabr oyida bir qator qozoq mahalliy OAVlarida Ostona shahridagi restoranlardan birida ayol kaltaklanib, tez yordam kelguniga qadar vafot etgani haqida xabarlar tarqaldi. Keyinchalik ayol sobiq vazir Kuandik Bishimbayevning ikkinchi xotini bo‘lgani va uni Bishimbayev o‘ldirgani aytildi. Shundan so‘ng unga nisbatan jinoyat ishi qo‘zg‘atildi. Bishimbayev umrbod qamoq jazosini olishi mumkin.

Maqola muallifi

Farangiz Salimova

Teglar

Baholaganlar

0

Reyting

3

Maqolaga baho bering

Doʻstlaringiz bilan ulashing

online_predictionLive

Barchasicall_made

“Tolibon” O‘zbekiston bilan temir yo‘l vokzalini kengaytirishga kelishib oldi

Tegishli ijro memorandumi “Tolibon” temir yo‘l boshqarmasi boshlig‘i Baxt ar-Rahmon Sharafat O‘zbekiston Transport vaziri Ilhom Mahkamov ishtirokida “O‘zbekiston temir yo‘llari” AJ va “Kamgar” Ltd bilan imzolangan.

15 may

Isroil G‘azodan keyin “va’da qilingan yerlar” vasvasasi bilan Anado‘luga ko‘z tikadi – Erdo‘g‘an

“Hozir bizni xorijda ham, ichimizda ham HAMASni qo‘llab-quvvatlaganimiz uchun tanqid qilishyapti. Sizda vijdon yo‘qmi? Isroil G‘azo bilan kifoyalanadi, deb o‘ylamang. Agar bu davlatning tanobi tortilmasa, erta-indin “va’da qilingan yerlar” degan o‘y bilan ko‘zlarini Anado‘luga qaratadi”, degan Turkiya rahbari AK Parti qurultoyida.

15 may

Slovakiya Bosh vaziriga suiqasd uyushtirildi

Vazirlar Mahkamasi yig‘ilishidan so‘ng bosh vazir Robert Fitsoning  ko‘krak sohasi va qorniga o‘q uzilgan.  Hukumat rahbari zudlik bilan  kasalxonaga yotqizilgan.

Qotillikka uringan shaxs qo‘lga olindi. 

15 may

Samarqand shahrida  giyohvandlik moddalarini saqlab kelayotgan shaxs qo‘lga olindi

Samarqandda hovlisida 4 tup “kannabis” hamda 2 kilogramm 317 gramm “marixuana”  giyohvandlik moddalarini saqlab kelgan fuqaroga nisbatan jinoyat ishi qo‘zg‘atildi.

15 may

Ozarbayjon qamoqxonalarida saqlanayotgan firibgarlar O‘zbekistonga ekstraditsiya qililndi

Qayd etilishicha, joriy yilning fevral oyida O‘zbekistonda firibgarlik jinoyatlarini sodir etganlikda ayblanib, davlatlararo qidiruvga e’lon qilingan Ukraina fuqarosi Kaldarar Arsen Vasilevich va O‘zbekiston fuqarosi Qayumov Abdurahmon Abduvaliyevich Bakuda hibsga olingan.

Jinoyatchilar bugun, 15 may kuni jazoni ijro etish xizmatining maxsus kolonnasi hamrohligida O‘zbekiston rasmiylariga topshirildi.

15 may

Istanbul markazida sayyohlar bilan mashhur bo‘lgan tarixiy Misr bozoriga o‘t ketdi.

15 may

Andijon viloyati Xonabod shahrida qabr qaziyotgan go‘rkovni tuproq bosib qoldi

Qutqaruvchilar uni tuproq ostidan olib chiqib, birinchi yordam ko‘rsatgan. Hozirda fuqaroning ahvoli yaxshi va u shifokorlar nazoratida.

15 may

Qirg‘iziston “Markaziy Osiyo qoploniga” aylanmoqchi

“Iqtisodiy rivojlanish modeli tufayli Malayziya “Osiyo yo‘lbarsi” deb nomlanadi. Umid qilamanki, Qirg‘iziston ham “Markaziy Osiyoning qoploniga” aylanadi” degan mamlakat rahbari Sadir Japarov.

15 may