Tramp Shotlandiyada: Yevropa shamol turbinalari va migratsiya tahdidi ostida

AQSH Prezidenti Donald Tramp kecha, 25 iyul kuni kechqurun Shotlandiyaga yetib kelgach, yevropaliklarni shamol turbinalaridan voz kechishga va migratsiyani to‘xtatishga chaqirdi. Bu haqda u Glazgo Prestvik aeroportida jurnalistlar bilan uchrashuvda so‘z ochdi.

“Siz Yevropa ustidan uchsangiz hamma joyda go‘zal dalalaringiz va vodiylaringizni buzayotgan va qushlaringizni o‘ldiradigan shamol turbinalarini ko‘rasiz”, dedi Tramp .

Unga ko‘ra, shamol turbinalari dengizga ham zarar yetkazmoqda. Tramp, shuningdek, Yevropani muhojirlarning “dahshatli bosqinini” to‘xtatishga chaqirdi. Uning so‘zlariga ko‘ra, shamol turbinalari Yevropa mamlakatlari go‘zalligini buzayotgani kabi ular ham Yevropani ham vayron qilmoqda.

Shotlandiyada Tramp o‘zining ikkita golf klubiga tashrif buyurish, shuningdek, ertaga, 27 iyul kuni Yevrokomissiya rahbari Ursula fon der Lyayen bilan uchrashish niyatida. 28 iyul kuni AQSH Prezidenti Buyuk Britaniya Bosh vaziri Kir Starmer bilan uchrashishi rejalashtirilgan.

Fon der Lyayenning so‘zlariga ko‘ra, Tramp bilan uchrashuvda “transatlantik savdo aloqalari” muhokama qilinadi. Shotlandiyaga jo‘nab ketishdan oldin AQSH Prezidenti Yevropa Ittifoqi bilan Tramp tomonidan e’lon qilingan tariflarni “juda yaxshi” deb e’lon qilishdan qochadigan kelishuvga erishish imkoniyatlarini baholadi.

“Yevropa Ittifoqi bilan kelishuvga erishish imkoniyatimizni 50:50 deb aytgan bo‘lardim”, dedi respublikachi jurnalistlarga.

12 iyul kuni Donald Tramp 1 avgustdan boshlab Yevropa Ittifoqi tovarlariga 30 foizlik bojxona to‘lovlarini joriy etish niyatida ekanligini ma’lum qildi. U buni Bryussel va Vashington o‘rtasidagi “eng jiddiy savdo taqchilligidan biri” bilan izohladi.

Agar Yevropa kompaniyalari va davlatlari “AQSH ichida mahsulot ishlab chiqarishga qaror qilsa”, ular savdo tariflariga tobe bo‘lmaydi, deb va’da berdi respublikachi. Ammo u Yevropa Ittifoqi Amerika tovarlariga bojlarni oshirish orqali javob bersa, nosimmetrik javob berish bilan tahdid qildi.

Ikki kundan so‘ng YeI ma’murlari Tramp e’lon qilgan choralar kuchga kirsa, bojlar qo‘yiladigan 72 milliard yevrolik Amerika tovarlari ro‘yxatini tayyorladi.