Трамп Шотландияда: Европа шамол турбиналари ва миграция таҳдиди остида

АҚШ Президенти Дональд Трамп кеча, 25 июль куни кечқурун Шотландияга етиб келгач, европаликларни шамол турбиналаридан воз кечишга ва миграцияни тўхтатишга чақирди. Бу ҳақда у Глазго Прествик аэропортида журналистлар билан учрашувда сўз очди.

“Сиз Европа устидан учсангиз ҳамма жойда гўзал далаларингиз ва водийларингизни бузаётган ва қушларингизни ўлдирадиган шамол турбиналарини кўрасиз”, деди Трамп .

Унга кўра, шамол турбиналари денгизга ҳам зарар етказмоқда. Трамп, шунингдек, Европани муҳожирларнинг “даҳшатли босқинини” тўхтатишга чақирди. Унинг сўзларига кўра, шамол турбиналари Европа мамлакатлари гўзаллигини бузаётгани каби улар ҳам Европани ҳам вайрон қилмоқда.

Шотландияда Трамп ўзининг иккита гольф клубига ташриф буюриш, шунингдек, эртага, 27 июль куни Еврокомиссия раҳбари Урсула фон дер Ляйен билан учрашиш ниятида. 28 июль куни АҚШ Президенти Буюк Британия Бош вазири Кир Стармер билан учрашиши режалаштирилган.

Фон дер Ляйеннинг сўзларига кўра, Трамп билан учрашувда “трансатлантик савдо алоқалари” муҳокама қилинади. Шотландияга жўнаб кетишдан олдин АҚШ Президенти Европа Иттифоқи билан Трамп томонидан эълон қилинган тарифларни “жуда яхши” деб эълон қилишдан қочадиган келишувга эришиш имкониятларини баҳолади.

“Европа Иттифоқи билан келишувга эришиш имкониятимизни 50:50 деб айтган бўлардим”, деди республикачи журналистларга.

12 июль куни Дональд Трамп 1 августдан бошлаб Европа Иттифоқи товарларига 30 фоизлик божхона тўловларини жорий этиш ниятида эканлигини маълум қилди. У буни Брюссель ва Вашингтон ўртасидаги “энг жиддий савдо тақчиллигидан бири” билан изоҳлади.

Агар Европа компаниялари ва давлатлари “АҚШ ичида маҳсулот ишлаб чиқаришга қарор қилса”, улар савдо тарифларига тобе бўлмайди, деб ваъда берди республикачи. Аммо у Европа Иттифоқи Америка товарларига божларни ошириш орқали жавоб берса, носимметрик жавоб бериш билан таҳдид қилди.

Икки кундан сўнг ЕИ маъмурлари Трамп эълон қилган чоралар кучга кирса, божлар қўйиладиган 72 миллиард евролик Америка товарлари рўйхатини тайёрлади.