Tramp Putin bilan uchrashish uchun Alyaskaga uchib ketdi

AQSH Prezidenti Donald Trampning Air Force One samolyoti Alyaskaga jo‘nab ketdi. Bu haqda CNN xabar berdi.

Boshlanish nuqtasi AQSHning Ankorijdagi Elmendorf-Richardson harbiy-havo kuchlari qo‘shma bazasi bo‘lib, u yerga Prezident korteji parvozdan sal oldin yetib borgan.

Vladimir Putin va Donald Trampning Ankorijdagi uchrashuvidagi Amerika delegatsiyasi tarkibida Davlat kotibi Marko Rubio, Savdo vaziri Govard Lyutnik va Moliya vaziri Skott Bessent, shuningdek, Prezidentning maxsus vakili Stiv Uitkoff va Markaziy razvedka boshqarmasi direktori Jon Retkliff bor.

Rossiya delegatsiyasi tarkibiga Tashqi ishlar vaziri Sergey Lavrov, Ushakovning o‘zi, Mudofaa vaziri Andrey Belousov, Moliya vaziri Anton Siluanov, Rossiya Prezidentining xorijiy davlatlar bilan sarmoyaviy va iqtisodiy hamkorlik bo‘yicha maxsus vakili Kirill Dmitriyev kiradi. Muzokaralardan so‘ng Putin va Tramp qo‘shma matbuot anjumani o‘tkazadi.

Tramp Rossiya Prezidenti Vladimir Putin bilan taxminan Toshkent vaqti bo‘yicha soat 23:30 da uchrashishi rejalashtirilgan.

Muzokaralarning asosiy mavzusi “Ukrainadagi kelishuv”, jumladan, 6 avgust kuni Kremlda AQSH Prezidentining maxsus vakili Stiv Uitkoff ishtirokidagi muhokamalar natijalarini hisobga olgan holda bo‘ladi. Ushakovning so‘zlariga ko‘ra, tinchlik va xavfsizlikni ta’minlash, ikki tomonlama hamkorlik, xususan, savdo-iqtisodiy sohadagi keng ko‘lamli masalalar ham muhokama qilinadi.