Tramp – AQSH tarixidagi eng yomon Prezident – Shvarsenegger

AQSHning amaldagi Prezidenti Donald Trampning tarafdorlari Kapitoliyga bostirib kirgani uchun u AQSHning eng yomon Prezidenti sifatida tarixga kiradi. Bu haqda amerikalik aktyor, Kaliforniyaning sobiq respublikachi gubernatori Arnold Shvarsenegger o‘zining Twitter sahifasida yozib qoldirgan. 

Uning ta’kidlashicha, Tramp saylov natijalarini o‘zgartirishga, shuningdek odamlarni yolg‘onlarga ishontirish orqali to‘ntarish uyushtirishga harakat qilgan.
 
“U rahbar sifatida muvaffaqiyatsizlikka uchradi va tarixdagi eng yomon Prezident sifatida esda qoladi”, degan aktyor. 

Shuningdek, u AQSHdagi demokratiyani po‘latga o‘xshatgan. 

“U qanchalik toblansa, shunchalik mustahkam bo‘ladi”, degan Shvarsenegger. 

Eslatib o‘tamiz, 6 yanvar kuni AQSHning amaldagi Prezidenti Donald Trampning tarafdorlari mamlakat poytaxti Vashingtondagi Kapitoliy oldida namoyish qilib, Kongress binosiga bostirib kirgan edi.