Tramp 2024 yilgi prezidentlikka saylovga nomzodini rasman e’lon qildi

Olam

image

AQSHning sobiq Prezidenti Donald Tramp 2024 yilda bo‘lib o‘tadigan prezidentlik saylovlarida o‘z nomzodini qayta ko‘rsatishini ma’lum qildi. 

"Bugun men Amerika Qo‘shma Shtatlari prezidentligiga nomzodimni e’lon qilaman", deydi u kecha, 15 noyabr kuni Floridada o‘z tarafdorlariga maxsus murojaati chog‘ida. 

Tramp bu qarorni “Amerikani yana buyuk va ajoyib davlat qilish” uchun qabul qilganini qo‘shimcha qildi.  

“Ovozlaringizni, qo‘llab-quvvatlashingizni, do‘stligingizni va duolaringizni so‘rayman. Bu aql bovar qilmaydigan, ammo xavfli sarguzasht bo‘ladi", deya qo‘shimcha qildi u. 

15 noyabr kuni ertalab, uning chiqishidan biroz oldin, AQSH Federal saylov komissiyasi veb-saytida Tramp 2024 yilgi saylovlarda AQSH prezidentligiga nomzod bo‘lish uchun ariza bergani va buni birinchi bo‘lib topshirgani haqida hujjat paydo bo‘ldi. 

AQSH Prezidenti Jo Bayden 9 noyabr kuni 2024 yilda davlat rahbari lavozimiga qayta saylanish uchun kurash olib borish rejasini e’lon qildi, biroq u yakuniy qarorni kelasi yil boshidagina qabul qilishi haqida ogohlantirdi.
 


Maqola muallifi

Teglar

Donal'd Tramp

Baholaganlar

53

Reyting

3

Maqolaga baho bering

Doʻstlaringiz bilan ulashing