Трамп 2024 йилги президентликка сайловга номзодини расман эълон қилди

АҚШнинг собиқ Президенти Дональд Трамп 2024 йилда бўлиб ўтадиган президентлик сайловларида ўз номзодини қайта кўрсатишини маълум қилди. 

"Бугун мен Америка Қўшма Штатлари президентлигига номзодимни эълон қиламан", дейди у кеча, 15 ноябрь куни Флоридада ўз тарафдорларига махсус мурожаати чоғида. 

Трамп бу қарорни “Американи яна буюк ва ажойиб давлат қилиш” учун қабул қилганини қўшимча қилди.  

“Овозларингизни, қўллаб-қувватлашингизни, дўстлигингизни ва дуоларингизни сўрайман. Бу ақл бовар қилмайдиган, аммо хавфли саргузашт бўлади", дея қўшимча қилди у. 

15 ноябрь куни эрталаб, унинг чиқишидан бироз олдин, АҚШ Федерал сайлов комиссияси веб-сайтида Трамп 2024 йилги сайловларда АҚШ президентлигига номзод бўлиш учун ариза бергани ва буни биринчи бўлиб топширгани ҳақида ҳужжат пайдо бўлди. 

АҚШ Президенти Жо Байден 9 ноябрь куни 2024 йилда давлат раҳбари лавозимига қайта сайланиш учун кураш олиб бориш режасини эълон қилди, бироқ у якуний қарорни келаси йил бошидагина қабул қилиши ҳақида огоҳлантирди.