Toshkentning yana bir tumanida issiq suv ta’minoti uzildi

Bugun, 17 avgust kuni Toshkent shahar Yunusobod tumanining ayrim joylarida issiq suv ta’minoti o‘chirildi. Bu haqda poytaxt issiqlik ta’minoti operatori Veolia Energy Tashkent o‘zining Telegram`dagi rasmiy kanalida xabar berdi.

Xabarda bildirilishicha, tumandagi ba’zi hududlarda issiq suv ta’monoti tarmoqning zulfinlaridagi avariyaviy ta’mirlash ishlari tufayli faqat bir kun – bugun o‘chiriladi. Unga ko‘ra, issiq suv yetkazib berish quyidagi manzillarda vaqtincha to‘xtatildi:
•  S-2, S-4, S-5, S-6 mavzelari;
•  “Niyozbek yo‘li”, “Osiyo”, “Arifov”, “Amir Temur” ko‘chalari (qisman).

Ma’lumot uchun, ta’mirlash ishlari tugallanishi bilanoq issiq suv yetkazib berish qayta tiklanadi (bugun soat taxminan 23:00 gacha).

Eslatib o‘tamiz, kecha 2-IM qozonxonasida ta’mirlash ishlari olib borilishi sababli Mirzo Ulug‘bek tumanining ba’zi hududlarida issiq suv ta’minoti 5 kunga o‘chirilishi haqida xabar berilgan edi.