Toshkentning qadimiy 12 ta darvozasi tiklanadi
Jamiyat
−
18 may 2022 10591
Toshkent hokimligida ishchi guruh poytaxtning qadimiy 12 darvozasini tiklashga kirishdi. Bu haqda shahar hokimligi Matbuot xizmati xabar berdi.
Qayd etilishicha, joriy yilning o‘zida o‘n ikkita qadimiy darvozadan ikkitasi qayta tiklanadi.
Mutaxassislar batafsil konsepsiya bilan ishlashni faollashtirish zarurligini muhokama qilgan. Darvoza aniq tarixiy ko‘rinishda qayta tiklanishi va’da qilinmoqda, buning uchun tajribali tarixchilar va arxeologlar jalb qilinadi.
Ma’lumot o‘rnida, Toshkent XIX asr o‘rtalariga qadar hudud yoki yo‘nalishning qadimiy nomi bilan atalgan 12 ta darvozali qal’a devori bilan o‘ralgan bo‘lgan: Labzak, Taxtapul, Qorasaroy, Sag‘bon, Chig‘atoy, Ko‘kcha, Samarqand, Komolon, Beshyog‘och, Qo‘ymas, Qo‘qon va Qashqar. Darvozalarning har birini Toshkentga kelgan savdo karvonlaridan soliq yig‘uvchi soqchilar qo‘riqlagan.
Live
Barchasi