Toshkentdagi sex va do‘konda yong‘in sodir bo‘ldi
Jamiyat
−
09 aprel 2021 4423
Toshkent shahri Chilonzor tumani “Navbahor” ko‘chasida yong‘in sodir bo‘ldi. Bu haqda Favqulodda vaziyatlar vazirligi Matbuot xizmati xabar bermoqda.
Bugun, 9 aprel kuni soat 18:49 da Toshkent shahri Chilonzor tumani “Navbahor” ko‘chasi “Charxi Komolon” MFY hududidagi oziq-ovqat do‘koni va tikuvchilik sexida yong‘in kelib chiqqan.
Hodisa yuzasidan Toshkent shahar Favqulodda vaziyatlar boshqarmasining yong‘in-qutqaruv bo‘linmalari soat 18:55 da voqea joyiga yetib borgan. Olib borilgan tezkor harakatlar natijasida yong‘in 19:14 da o‘rab olinib, 19:25 da to‘liq bartaraf etilgan.
Yong‘inning kelib chiqish sababi va zarari aniqlanmoqda.
Live
Barchasi