Toshkentdagi somsaxonaga o‘t ketdi
3-sahifa
−
10 dekabr 2024 9594 1 daqiqa
Kecha, 9 dekabr kuni Toshkent shahrining Uchtepa tumanida joylashgan somsaxonada yong‘in sodir bo‘ldi. Bu haqda poytaxt Favqulodda vaziyatlar boshqarmasi xabar berdi.
Qayd etilishicha, soat 20:03 da Uchtepa tumanining Foziltepa ko‘chasida joylashgan somsaxonada yong‘in chiqqani to‘g‘risida FVBga xabar kelib tushgan.
Shunga ko‘ra, yong‘in-qutqaruv texnikalari aytilgan manzilga soat 20:07 da yetib borib, yong‘in soat 20:20 da o‘chirilgan.
Yong‘in oqibatida halok bo‘lgan va jabrlanganlar yo‘q.
Hozirda yong‘in sababi va keltirilgan moddiy zarar aniqlanmoqda.
Eslatib o‘tamiz, avvalroq Toshkent viloyatining Toshkent tumanida joylashgan sexda yong‘in sodir bo‘lgandi.
Live
Barchasi
