Toshkentda YTH oqibatida Nexia-3 yonib ketdi (video)
3-sahifa
−
13:031467
Bugun, 5 sentyabr kuni Toshkent shahrida Cobalt va Nexia-3 rusumli avtomobillari ishtirokida yo‘l-transport hodisasi sodir bo‘ldi va oqibatda Nexia-3 yonib ketdi. Bu haqda Toshkent shahar Favqulodda vaziyatlar boshqarmasi xabar berdi.
Qayd etilishicha, erta tongda Toshkent shahridagi markaziy ko‘chalardan birida Cobalt va Nexia-3 ishtirokida YTH sodir bo‘lgani va Nexia-3 yonib ketgani aks etgan video ijtimoiy tarmoqlarga sizdirilgan. Ma’lum bo‘lishicha, soat 06:05 da Toshkent shahar Mirobod tumani Oybek va Shahrisabz ko‘chalari chorrahasida yo‘l-transport hodisasi sodir bo‘lishi oqibatida avtomobilda yong‘in kelib chiqqan.
Yong‘in-qutqaruv texnikalari voqea sodir bo‘lgan joyga soat 06:11 da yetib borib, yong‘in soat 06:12 da o‘chirilgan. Yong‘in oqibatida halok bo‘lgan va jabrlanganlar yo‘q.
Eslatib o‘tamiz, avvalroq Toshkentda ichida haydovchisi bo‘lgan “Jiguli” yonib ketgandi.
Live
Barchasi
