Toshkentda yong‘in oqibatida ayol va uning ikki qizi halok bo‘ldi (video)
3-sahifa
−
19 dekabr 2023 16280
QALAMPIR.UZ tahririyatiga Toshkentdagi xonadonlardan birida kuchli yong‘in bo‘layotgani aks etgan video kelib tushdi. Shuningdek, ushbu yong‘in oqibatida oila a’zolari halok bo‘lgani haqida xabarlar tarqaldi. Holatga aniqlik kiritish maqsadida QALAMPIR.UZ Bosh prokuratura matbuot kotibi Hayot Shamsutdinov bilan bog‘landi.
Uning ma’lum qilishicha, ushbu yong‘in poytaxtning Yashnobod tumanidagi uylardan birida yuz bergan. Yong‘in oqibatida uch kishi – 1995 yilda tug‘ilgan ayol va uning 2015 va 2018 yillarda tug‘ilgan qizlari halok bo‘lgan.
Mazkur holat yuzasidan Yashnobod tumani IIB tomonidan O‘zbekiston Respublikasi Jinoyat kodeksining 259-moddasi bilan jinoyat ishi qo‘zg‘atilgan.
Eslatib o‘tamiz, Farg‘ona viloyatining O‘zbekiston tumani, “Obod” MFY hududida yashovchi oila (er-xotin va ularning ikki nafar qizi) is gazidan vafot etgandi.
Live
Barchasi
