Toshkentda yana elektrobus bilan “avariya” yuz berdi
Jamiyat
−
15 Sentabr 2023 6195
Bugun, 15 sentyabr kuni Toshkent shahrida elektrobus va Nexia mashinasi ishtirokida yo‘l-transport hodisasi sodir bo‘ldi. Bu haqda “Toshshahartransxizmat” aksiyadorlik jamiyati axborot xizmati xabar berdi.
Aytilishicha, bugun soat 09:23 da Mirobod tumani Sayhun ko‘chasida svetoforning yashil chirog‘ida harakatlanib ketayotgan avtobus oldidan Nexia mashinasi chiqib qolishi oqibatida YTH sodir bo‘lgan.
Mazkur yo‘l-transport hodisasi oqibatida hech kim tan jarohati olmagan, elektrobus va yengil avtomobil texnik shikastlangan.
“Hozirda ushbu yo‘l-transport hodisasi Toshkent shahar IIBB YHXB xodimlari tomonidan o‘rnatilgan tartibda rasmiylashtirilganini ma’lum qilamiz”, deyiladi xabarda.
Eslatib o‘tamiz, joriy yilning 7 sentyabr kuni Toshkent shahar Bektemir tumanida ichida yo‘lovchilari bo‘lgan elektrobus yo‘l yoqasidagi “stolba”ga borib urilgandi.
Live
Barchasi
