Toshkentda “o‘lish narxi” tasdiqlandi

Toshkent shahri qabristonlarida qabr qazish va dafn marosimi uchun pullik xizmatlar ko‘rsatish tariflari belgilandi. Bu bo‘yicha Toshkent shahar hokimi bugun, 8 avgust kuni 472-14-0-Q/23-sonli “Toshkent shahriga tegishli qabristonlarda go‘r qazish va marosim xizmatlari uchun pullik xizmatlar ko‘rsatish tariflarini belgilash to‘g‘risida”gi qarorni imzoladi.

Go‘r qazish va dafn marosimi  uchun pullik xizmat ko‘rsatish tariflari Toshkent shahar va Toshkent viloyati hududida joylashgan qabristonlarda bir xilda qo‘llaniladi hamda ko‘rinarli joyga o‘rnatiladi.

Keltirilishicha, qabristonlarda Islom diniga mansublar uchun bitta go‘r qazish narxi hajmiga ko‘ra 60 - 150 ming so‘mni tashkil qiladi. Boshqa din vakillari uchun go‘r qazish narxi esa 60 -120 ming so‘m etib ko‘rsatilgan. Raqamli ustuncha narxi 40-50 ming so‘m.

Shuningdek, Islom diniga mansublar uchun bitta tobut tayyorlash narxi 1 million 560 ming so‘m etib ko‘rsatilgan. Maxsus transport vositalaridan foydalanish 1 soat uchun 80 ming so‘m etib tasdiqlangan.

Quyida boshqa pullik xizmat ko‘rsatish tariflari bilan tanishish mumkin: