Toshkentda talaba kanalga cho‘kib ketdi

Toshkent shahrida 19 yoshli yigit kanalga cho‘kib ketdi. Bu haqda QALAMPIR.UZ`ga Favqulodda vaziyatlar vazirligi Matbuot xizmati xabar berdi.

Joriy yilning 1 avgust kuni soat 13:26 da Toshkent shahar FVB navbatchilik dispecheriga fuqaro A.Murodov murojaat qilgan. U kursdoshi Qashqadaryo viloyati Shahrisabz tumanida 1999 yilda tug‘ilgan Toshkent davlat texnika universiteti 2-kurs talabasi Suyunqul Turdimurodov Qichqiriq kanalida cho‘milib, cho‘kib ketganini aytgan.

Ushbu xabarga asosan Toshkent shahar FVB Qutqaruv otryadi voqea joyiga borib, qidiruv ishlarini boshlagan. Qidiruv ishlari 1, 2, 3, 4 avgust kunlari olib borilgan. Qidiruvning 4-kunida Suyunqul Turdimurodov Qutqaruv otryadi g‘avvoslari tomonidan cho‘kkan joyidan 4 km uzoqlikdan topilgan.

Avvalroq, Toshkent viloyati “Chorvoq” suv omborida ikki yigit cho‘kib ketgani haqida xabar bergan edik. Cho‘kkan har ikki yigitning jasadini topish uchun bir haftadan ortiq vaqt sarflangandi.