Toşkentda şirinliklar ostiga nikotinli paketçalarni yaşirganlar uşlandi (video)

Toşkent viloyatida şirinliklarning qadoqlari ostiga yaşirilgan 613 dona nikotinli paketçalar aniqlandi. Ularning umumiy qiymati 65 mln sömga baholanmoqda. Bu haqda Bojxona qömitasi xabar berdi.

Ma’lum qilinişiça, Bojxona boşqarmasining Kontrabandaga qarşi kuraşiş bölimi xodimlari Toşkent tumanida tamaki mahsulotlarining noqonuniy muomalasiga qarşi tezkor tadbir ötkazgan.

Tadbir davomida şubha ostiga olingan fuqaro boşqaruvidagi Damas avtomobili “Navoiy” çegara bojxona posti yaqinida töxtatilib, belgilangan tartibda közdan keçirilgan. Tekşiruvda avtomobilda olib ketilayotgan turli xil şirinliklar qadoqlari ostiga 613 dona nikotinli paketçalar yaşirilgani aniqlangan.

Dastlabki hisob-kitoblarga köra, huquqbuzarlik aşyosi sifatida olib qöyilgan mahsulotlarning umumiy qiymati 65 mln sömni taşkil etadi.

Bildirilişiça, hozirda mazkur holat yuzasidan bojxona organlari tomonidan tergovga qadar tekşiruv harakatlari olib borilmoqda.

Eslatib ötamiz, avvalroq Andijon viloyatida 20 000 AQŞ dollarini çet elga noqonuniy olib çiqayotganlar uşlangani haqida xabar berilgan edi.