Toshkentda noma’lum shaxs 17 yoshli qizga tegajog‘lik qildi
3-sahifa
−
20 aprel 2023
14047Ijtimoiy tarmoqlarda Toshkent shahri Mirobod tumanida noma’lum erkak maktabdan qaytayotgan qizga tashlangani aks etgan video tarqaldi. Holat yuzasidan Bosh prokuratura matbuot kotibi Hayot Shamsutdinov QALAMPIR.UZ'ga ma’lumot berdi.
Kecha, 19 aprel kuni soat 12:49 da voyaga yetmagan B.Z. qo‘shimcha darslardan qaytib kelayotganda Mirobod tumani Inoqobod ko‘chasida noma’lum shaxs orqasidan kelib, tegajog‘lik qilgan. So‘ngra hodisa joyidan qochib yashiringan.
Ma’lumotlarga ko‘ra, jabrlanuvchi qiz hozirda maktabning 11-sinfida o‘qiydi.
Noma’lum shaxs taxminan 20-30 yoshlardagi o‘zbek millatiga mansub yigit ekani aytilmoqda.
Hozirda B.Z.ning otasidan ariza olinib, noma’lum fuqaroning shaxsini aniqlash hamda qidirib topish choralari ko‘rilmoqda. Shuningdek, tergovga qadar tekshiruv harakatlari olib borilmoqda.
Eslatib o‘tamiz, joriy yilning 11 aprel kuni Prezident Shavkat Mirziyoyev xotin-qizlar va bolalar huquqlari, erkinliklari hamda qonuniy manfaatlarini ishonchli himoya qilish tizimini takomillashtirishga doir qonunda imzoladi. Unda jamoat joylarida shaxsga shilqimlik qilish uchun alohida ma’muriy javobgarlik belgilanib, bu harakatlar uchun 1,5 mln so‘mgacha jarima yoki 5 sutkagacha qamoq jazosi belgilandi.
LiveBarchasi