Toshkentda metroga kirishda sumkasida bomba borligini aytgan qiz qo‘lga olindi

Joriy yilning 22 oktyabr kuni Toshkent metropolitenining “O‘zbekiston” liniyasi “Alisher Navoiy” bekatida 2003 yilda tug‘ilgan qiz sumkasida bomba borligini aytgani uchun ushlandi. Bu haqda IIV Transport va turizm obektlarida xavfsizlikni ta’minlash departamenti Matbuot xizmati xabar berdi.

Qiz stansiyaning avtomatik o‘tkazish punktining birinchi vestibyulida o‘z xizmat vazifalarini bajarayotgan Metropolitenda xavfsizlikni ta’minlash boshqarmasi (MXTB) xodimi tomonidan to‘xtatilgan.

Xodim N.S.dan uning sumkani ko‘rishni so‘raganida, u sumkasida bomba borligini aytgan. Ko‘rsatmalarga ko‘ra, MXTB xodimlari zudlik bilan yaqin atrofdagi hududni o‘rab olgan va voqea haqida navbatchilik bo‘limiga xabar bergan. Shundan so‘ng voqea joyiga IIV Maxsus operatsiyalarni muvofiqlashtirish boshqarmasi guruhi yetib kelgan.

Qiz vaqtincha hibsga olingan. Qizning sumkasini ko‘zdan kechirish chog‘ida undan portlovchi moslama topilmagan. Shundan so‘ng dalolatnoma tuzilgan. Xodimlar qizdan nima uchun sumkasida bomba bor deb aytganini so‘raganida, N.S. uning kayfiyati yaxshi ekanini va shu tarzda hazil qilishga qaror qilganini aytgan. Qiz xodimlar tomonidan Shayxontohur tumani 3-sonli IIBga olib ketilgan.