Toshkentda Damas “Salar” kanaliga tushib ketdi
3-sahifa
−
27 aprel 2023 5135
Kecha, 26 aprel kuni Damas avtomobili Toshkent shahar Yashnobod tumani Elbek ko‘chasidan oqib o‘tuvchi “Salar” kanaliga tushib ketdi. Bu haqda FVV xabar berdi.
Voqea Damas rusumli avtomashina haydovchisining ehtiyotsizligi oqibatida soat 20:00 da sodir bo‘lgan. Avtomobilni chiqarib olishda amaliy yordam so‘rab, Toshkent shahar FVB navbatchilik qismiga murojaat qilingan.
Unga ko‘ra, FVBning bir guruh qutqaruvchilari voqea joyiga yetib borib, avtomashinani kanaldan olib chiqqan. Hodisa oqibatida vafot etgan va tan jarohati olganlar yo‘q.
Eslatib o‘tamiz, joriy yilning 25 aprel kuni Buxoro shahrida Spark rusumli mashina ariqqa tushib ketgandi.
Nurmuhammad Fayzullayev
