Toshkentda CHERY bilan to‘qnashgan BYD ag‘darilib ketdi

Toshkent shahri Chilonzor tumanida CHERY va BYD ishtirokida yo‘l-transport hodisasi sodir bo‘ldi. Bu haqda IIBB Yo‘l harakati xavfsizligi xizmati xabar berdi.

Kecha, 29 yanvar kuni soat 23:40 larda Chilonzor  tumani Baynalminal-Muqimiy ko‘chalari kesishgan chorrahasida 1986 yilda tug‘ilgan F.J. boshqaruvida bo‘lgan BYD hamda 1999 yilda tug‘ilgan S.M. boshqaruvida bo‘lgan CHERY avtomashinalari ishtirokida yo‘l-transport hodisasi yuz bergan.

Mazkur YTH oqibatida BYD hamda CHERY avtomashinalari haydovchilariga birinchi yordam ko‘rsatish uchun shifoxonaga olib borilgan.   

“Holat bo‘yicha Toshkent shahar IIBB YHXB mas’ul xodimlari tomonidan surishtiruv ishlari olib borilmoqda. Barcha yo‘l harakati qatnashchilaridan qoidalarga rioya qilishlarini so‘raymiz”, deyiladi xabarda.

Eslatib o‘tamiz, 27 yanvar kuni Shayxontohur tumani Ko‘kcha Darvoza ko‘chasida Malibu va KIA avtomashinalari o‘rtasida YTH yuz bergandi.