Toshkentda belgilanmagan joyda chiqindi to‘plagan fuqaro jarimaga tortildi
3-sahifa
−
03 fevral 3776
Toshkentda belgilanmagan joyda qurilish chiqindilarini to‘plagan fuqaro jarimaga tortildi. Bu haqda Toshkent shahar Ekologiya, atrof-muhitni muhofaza qilish va iqlim o‘zgarishi boshqarmasi xabar berdi.
Qayd etilishicha, Toshkent shahar Shayxontohur tumani Labzak mahallasi 57A-uy oldida belgilanmagan joyga qurilish chiqindilari to‘plangani aniqlandi.
Holat o‘rganilganda qurilish chiqindilari fuqaro X.A. tomonidan to‘plangani ma’lum bo‘lgan.
Unga nisbatan Ma’muriy javobgarlik to‘g‘risidagi kodeksning 91-moddasi 1-qismi bilan ma’muriy bayonnoma rasmiylashtirilib, 680 ming so‘m jarima belgilangan. Shuningdek, chiqindilarni belgilanmagan joylarga tashlamaslik bo‘yicha tushuntirish ishlari olib borilgan.
Live
Barchasi
