Toshkentda ayrim ko‘chalar vaqtincha yopiladi

Toshkent shahrining ayrim ko‘chalari ertaga, 8 aprel kuni motosayyohlarning tantanali yurishi sabab vaqtinchalik yopiladi. Bu haqda poytaxt hokimligi matbuot xizmati xabar berdi. 

Ma’lum qilishicha, 8 aprel kuni 20-motomavsum ochilishi o‘tazilishi munosabati bilan motosayyohlarning tantanali yurishi bo‘lib o‘tadi. Shu sababli shaharning quyidagi ko‘chalari soat 12:00 dan 13:00 ga qadar yopilishi qayd etilgan: 

Cho‘pon ota ko‘chasi yaqinidagi avtoturargohdan Yettiterak ko‘chasi bo‘ylab O‘zbekiston shoh ko‘chasi bilan kesimasigacha;

Yettiterak ko‘chasining O‘zbekiston shoh ko‘chasi bilan kesishmasidan shoh ko‘chaning Buxoro ko‘chasi kesishmasigacha ("Kosmonavtlar" metro bekati);

Buxoro ko‘chasi Kosmonavtlar metro bekatidan Alisher Navoiy ko‘chasi bilan kesishmasigacha;

Alisher Navoiy ko‘chasi Buxora ko‘chasidan Furqat ko‘chasi bilan kesishmasigacha;

Furqat ko‘chasi Alisher Navoiy ko‘chasidan Bunyodkor shoh ko‘chasi bilan kesishmasigacha;

Furqat ko‘chasining Bunyodkor shoh ko‘chasi bilan kesishmasidan «Milliy» stadionining asosiy kirish qismi oldidagi maydonchagacha.

"Noqulayliklar uchun uzr so‘raymiz va haydovchilarga vaqtincha aylanma yo‘llardan foydalanishni tavsiya qilamiz", deyiladi xabarda. 

Eslatib o‘tamiz, shu yilning 1 aprel kuni duatlon bo‘yicha musobaqa o‘tkazilishi munosabati bilan Toshkentning bir nechta ko‘chalarida transport harakati cheklangandi.

Nodirjon Madaminov