Toshkentda 70 ming dollarlik shaxmat turniri o‘tkaziladi
Sport
−
27 mart 2023 3599
Bugun, 27 mart kuni Toshkent shahrida shaxmat bo‘yicha “XVII jahon chempioni Rustam Qosimjonov” xalqaro turniri boshlanadi.
Musobaqada 9 davlatdan 20 nafar kuchli shaxmatchi ishtirok etadi. Ishtirokchilar ikki guruhga bo‘lingan holda g‘oliblik uchun dona suradi. Ko‘pgina jahon shaxmati yulduzlari, jumladan, rossiyalik Aleksandr Grischuk, ozarbayjonlik Shaxriyor Mamadiyorov va niderlandiyalik Van Forest ham chempionatda o‘z imkoniyatlarini sinovdan o‘tkazadi. Turnirda Rustam Qosimjonovning o‘zi ham ishtirok etadi.
Shuningdek, “Masters” guruhida o‘zbekistonlik shaxmatchilardan Nodirbek Abdusattorov, Javohir Sindorov va Jahongir Vohidov ham ro‘yxatdan o‘tgan.
Musobaqa sovrin jamg‘armasi 70 ming AQSH dollarini tashkil etadi. Bahslar 30 martga qadar davom etadi.
Live
Barchasi
