Toshkent viloyatidagi omborxonada yirik yong‘in yuz berdi

Jamiyat

image

Toshkent viloyati O‘rtachirchiq tumanida yangi qurilayotgan omborxona binosida yong‘in sodir bo‘lgan.

FVV matbuot xizmatining xabar berishicha, kecha, 8 yanvar kuni soat 16:10 da “Izza Bobur” oilaviy korxonasiga qarashli yangi qurilayotgan omborxona binosida yong‘in bo‘layotgani haqida yong‘in-qutqaruv xizmatiga xabar kelib tushgan. 

Voqea joyiga 6 ta yong‘inni o‘chirish ekipaji jalb etilgan. Omborxonaga eng yaqin yong‘in-qutqaruv qismi 15 kilometr uzoqlikda bo‘lgani sabab birinchi bo‘linma chaqirilgan manzilga soat 16:26 da yetib borgan. Olib borilgan tezkor harakatlar natijasida yong‘in soat 16:40 da o‘rab olingan va soat 17:05 da o‘chirilgan.

Alangada qolgan binoning 300 kvadrat metr maydoni saqlab qolingan. Ammo omborxona binosining 190 kvadrat metr maydonida sintepon qurilish mahsuloti va tom qismi yonib ketgan.

Dastlabki taxminlarga ko‘ra yong‘in sintepon qurilish mahsulotini bir-biriga fen yordamida ulanishida ehtiyotsizlik oqibatida kelib chiqqan. Tan jarohati va halok bo‘lganlar qayd etilmagan. Moddiy zarar miqdori aniqlanmoqda.


Maqola muallifi

Teglar

yong'in Toshkent viloyati

Baholaganlar

78

Reyting

3

Maqolaga baho bering

Doʻstlaringiz bilan ulashing