Toshkent viloyatida 360 darajada qoidabuzarliklarni aniqlovchi qurilma ishga tushirildi (video)
Jamiyat
−
20 may 2023
6493Bugun, 20 may kunidan boshlab Toshkent viloyatida 360 darajada qoidabuzarliklarni aniqlovchi maxsus qurilma ishga tushirildi. Bu haqda Ichki ishlar vazirligi Jamoat xavfsizligi departamenti Yo‘l harakati xavfsizligi xizmati xabar berdi.
Ta’kidlanishicha, 360 darajada qoidabuzarliklarni aniqlovchi maxsus qurilma respublika hududida yo‘l-transport hodisalarining oldini olish, qoidabuzarliklarga chek qo‘yish va harakatlanish xavfsizligini ta’minlash maqsadida yo‘l patrul xizmati xodimlariga biriktirilgan xizmat avtomobillariga o‘rnatilgan.
Shuningdek, qurilma to‘xtab turganda va harakat davomida ham bir qancha qoidabuzarliklarni aniqlaydi:
- o‘zi bilan bir yo‘nalishda va qarama-qarshi yo‘nalishdagi transport vositalari haydovchilari tomonidan to‘xtash va to‘xtab turish;
- harakatlanish tezligini me’yoridan oshirish;
- svetoforning taqiqlovchi chirog‘iga amal qilmaslik (to‘xtash chizig‘ini bosish);
- yo‘lning qarama-qarshi harakatlanish uchun mo‘ljallangan tomoniga yoki bo‘lagiga chiqishi;
- yo‘lning qatnov qismidagi chiziqlar bilan belgilab qo‘yilgan talablarga rioya etmaslik;
- yo‘nalishli transportlar harakati uchun mo‘ljallangan tasmalarga o‘tib harakatlanish yoki to‘xtash tartibi va ushbu tasmada belgilangan talablarni buzish;
- davlat raqami belgisi orqali avtomobil qidiruvda yoki yo‘qligini aniqlaydi.
LiveBarchasi
Farg‘onada qiymati 76 mln so‘mlik “paqqilloqlar” ushlandi
07 noyabr 2023
Shavkat Mirziyoyev Qatar sobiq bosh vazirini qabul qildi
07 noyabr 2023
Falastin Bosh vaziri Muhammad Shtaye G‘azodagi urush sabab halok bo‘lgan bolalar haqida gapirayotib yig‘lab yubordi
07 noyabr 2023