Toshkent metrosida poyezd to‘xtab qoldi
Jamiyat
−
07 aprel 2022 10080
Ijtimoiy tarmoqlarda Toshkent metropolitenida poyezd yarim soatga to‘xtab qolgani haqida xabarlar tarqaldi. “Toshkent metropoliteni” davlat unitar korxonasi holatga izoh berdi.
Qayd etilishicha, bugun, 7 aprel kuni soat 9:30 lar atrofida Chilonzor metro liniyasining “Paxtakor” bekatida 15-sonli harakat tarkibida mashinist tomonidan nosozlik aniqlangan va xavfsizlik choralarini ko‘rish maqsadida, yo‘lovchilar vagondan tushirilgan.
Shuningdek, navbatdagi 18-sonli marshrut ham yo‘lovchilarni “Paxtakor” metro bekatida tushirib,15-elektropoyezdni texnik ko‘rikdan o‘tkazish uchun depoga tomon harakatlanishida ko‘maklashgan.
Korxona xabariga ko‘ra, soat 9:37 dan boshlab poyezdlar harakati doimiy jadval asosida amalga oshirilmoqda.
Live
Barchasi
