“Tolibon” delegatsiyasi O‘zbekistonga qarab otlandi
Olam
−
22 fevral 8135
Afg‘onistondagi “Tolibon” muvaqqat hukumatining bosh vazir o‘rinbosari Mulla Abdulg‘ani Barodar rahbarligidagi delegatsiya bugun, 22 fevral kuni Qobuldan Toshkentga yo‘l oldi. Bu haqda “Ariana News” xabar berdi.
Ikki kunlik tashrifdan Afg‘oniston va O‘zbekiston o‘rtasidagi siyosiy, iqtisodiy, savdo va tranzit aloqalarni kengaytirish, shuningdek, Afg‘onistonga o‘zbek investitsiyasini jalb qilish ko‘zda tutilgan.
Barodar boshchiligidagi delegatsiya tarkibiga quyidagilar kiritilgan:
- Hidoyatulloh Badriy – foydali qazilmalar va neft vaziri;
- Hamidulloh Oxunzoda – transport va aviatsiya vaziri;
- Nuriddin Aziziy – sanoat va savdo vaziri;
- Atoulloh Omoriy – qishloq xo‘jaligi, sug‘orish va chorvachilik vaziri;
- Nur Ahmad Og‘a – Da Afghanistan Bank prezidenti;
- Abdul Matin Said – moliya vazirining daromad va bojxona ishlari bo‘yicha o‘rinbosari.
Eslatib o‘tamiz, o‘tgan yilning oktyabr oyida Afg‘onistondagi “Tolibon” muvaqqat hukumatining hidoyat, haj va vaqflar vazirligining rasmiy taklifiga binoan O‘zbekiston diniy ulamolari delegatsiyasi Qobulga borgandi.
Live
Barchasi
