“Tolibon” ayollarga masjidga borishni taqiqladi – OAV

Afg‘onistondagi “Tolibon” muvaqqat hukumati ayollarga jamoat namozlarini ado etish uchun masjidlarga borishni taqiqladi. Bu haqda Hirot viloyatidagi manbalarga tayanib, “Etilaatroz” gazetasi xabar berdi.

north_east

“Nafas olishdan boshqa hammasi”. Afg‘on ayollariga bugun nimalar taqiqlangan?

Ma’lumotlarga ko‘ra, yangi cheklovlar haqida aholi imomlar orqali og‘zaki tarzda xabardor qilingan. Gazeta manbalaridan biriga ko‘ra, bundan buyon ayollarga juma namozlarida ham ishtirok etishga ruxsat berilmaydi, garchi ilgari ular uchun masjidlarda alohida joy ajratilgan bo‘lsa ham.

Eslatib o‘tamiz, bungacha “Tolibon” muvaqqat hukumatining axborot va madaniyat vazirligi xodimlari xavfsizlik kuchlari bilan birgalikda Afg‘onistondagi yagona ayollar radiosi – “Radio Begum” ofisiga bostirib kirib, uning eshittirishlarini to‘xtatgan edi. Huquq-tartibot idoralari xodimlari reyd davomida tashkilotga rahbarlik qilgan ayollar, shuningdek, vokzalda muhim lavozimda ishlamagan ikki erkakni qo‘lga olgan. Shu bilan birga, “Tolibon” jurnalistlarning kompyuterlari, qattiq disklari va mobil telefonlarini tortib olgan. Afg‘oniston axborot vazirligi ma’lumotlariga ko‘ra, radiostansiya faoliyatida, xususan, ko‘rsatuvlar yaratish va xorijda joylashgan televideniye tarmog‘idan kontentni uzatishda ko‘plab qonunbuzarliklar aniqlangan.