Toqayev hamkasblariga to‘siqlar va obro‘sizlanish haqida gapirdi

Qozog‘iston Prezidenti Qosim-Jomart Toqayev kecha, 1 oktyabr kuni  Yerevanda bo‘lib o‘tgan Yevrosiyo Iqtisodiy Kengashining yig‘ilishida YeOIHga qo‘shilish g‘oyasi obro‘sizlanganini aytdi. Bu haqda Nurk.kz xabar bermoqda.

U o‘z nutqida YeOIH mamlakatlari umumiy ichki bozordagi to‘siqlarni olib tashlashda davom etishlari kerakligini ta’kidladi. “Biz bu mavzuni bir necha bor muhokama qildik. Bugungi uchrashuvning muhim qismini tor doirada ushbu masalaga bag‘ishladik. O‘zaro savdo uchun zarur me’yoriy-huquqiy bazani yaratdik. Bu muvaffaqiyat. Ammo amalda, o‘z ishlab chiqaruvchilarini milliy bozorlarda himoya qilish istagi, ba’zi hollarda integratsiya maqsadlari va vazifalaridan ustun keladi", dedi Toqayev.

Qozog‘iston rahbari ishtirokchilarning e’tiborini imtihonlar shaklida, hududiy darajadagi qo‘shimcha talablar va maxfiy buyruqlar shaklida cheklovlar joriy qilinganiga qaratdi.

"Bunday cheklovlarning joriy qilinishi a’zo davlatlar ommaviy axborot vositalarida batafsil yoritilishi, shu bilan integratsiyaga ishonch va, ehtimol, uning obro‘sini to‘kishi bilan vaziyat yanada murakkablashadi", deb hisoblaydi Prezident.

Toqayevning ta’kidlashicha, bunday amaliyot qabul qilinishi mumkin emas va integratsiyalashuv prinsiplariga zid, bu alohida jarayonni talab qiladi.