Test savollari osonlashtiriladi – Majid Karimov

Jamiyat

−

12 avgust 2020 visibility8008

Bu yilgi test sinovlari o‘tgan yilgi testlarga nisbatan osonlashtiriladi. Bu haqda Davlat test markazi rahbari Majid Karimov ma’lum qildi.

“Testlar 4 xil turda – sodda, o‘rtacha oson, murakkabroq va yuqori murakkablik darajasidagi savollarga bo‘linardi. Endilikda sodda savollar 12 ta, o‘rtacha oson savollar 12 ta, murakkabroq (3-darajali) savollar soni 6 ta bo‘ldi”, dedi Majid Karimov,

Bu yilgi test savollarida yuqori murakkablik darajasidagi savollar bo‘lmaydi. Ikki yildan beri juda murakkab savollar, ya’ni olimpiada ishtirokchilari uchun qo‘yiladigan savollar butunlay olib tashlangan.

Eslatib o‘tamiz, bu yil OTMga kirish uchun 1,5 mlnga yaqin abituriyent ro‘yxatdan o‘tgan. Imtihonlar esa 2 sentyabrdan boshlanishi belgilangan.

Ahrorbek Hayrullayev

Maqola muallifi